ការបរិច្ចាគ

សូមអរគុណចំពោះការពិចារណាជូនអំណោយមួយសម្រាប់គាំទ្រដល់ពួកយើង ។ យើងខ្ញុំសូមផ្តល់គុណតម្លៃចំពោះជំនឿទុកចិត្តរបស់លោកអ្នក ហើយយើងខ្ញុំសូមសន្យាថា ការបរិច្ចាគ ១០០% របស់លោកអ្នក ត្រូវបានប្រើប្រាស់ដើម្បីសាងសង់សាលារៀនសម្រាប់កុមារនៅក្នុងប្រទេសកម្ពុជា ។

គោលការណ៍បរិច្ចាគ

សប្បុរសជនអាចចូលរួមបរិច្ចាគជាថវិកាប្រភេទប្រាក់ដុល្លារអាមេរិក, ប្រាក់រៀល, បរិក្ខារសិក្សា ឬសម្ភារផ្សេងៗ ដោយ មិនមានការកំណត់ទំហំទឹកប្រាក់ បរិមាណបរិក្ខារសិក្សា ឬសម្ភារផ្សេងៗឡើយ។ មូលនិធិអេស៊ីលីដា-ចារឌីនសម្រាប់ការអប់រំ (AJF) មានគោលការណ៍លើកទឹកចិត្តសម្រាប់សប្បុរសជន ដូចខាងក្រោម៖

សប្បុរសជនដែលបានចូលរួមបរិច្ចាគថវិកាតូចជាង USD៥០ (ហាសិបដុល្លារអាមេរិក) អង្គការនឹងរាយឈ្មោះ ផ្សព្វផ្សាយក្នុងគេហទំព័រ ឬ Facebook Page មូលនិធិសម្រាប់ការអប់រំ-Ajf ឬ LinkedIn ACLEDA-JARDINE Educational Foundation (មូលនិធិអេស៊ីលីដា-ចារឌីនសម្រាប់ការអប់រំ) របស់អង្គការ ឬ Telegram ឬបណ្ដាញសង្គមផ្សេងៗ។
សប្បុរសជនដែលបានចូលរួមបរិច្ចាគថវិកា USD៥០ (ហាសិបដុល្លារអាមេរិក) ឡើងទៅដល់ USD ១៥.០០០ (ដប់ប្រាំពាន់ដុល្លារអាមេរិក) អង្គការនឹងផ្តល់ជូននូវប័ណ្ណថ្លែងអំណរគុណ ឬវត្ថុអនុស្សាវរីយ៍ Trophy។
សប្បុរសជនដែលបានចូលរួមបរិច្ចាគថវិកាធំជាង USD ១៥.០០០ (ដប់ប្រាំពាន់ដុល្លារអាមេរិក) ឡើងទៅ អង្គការនឹង ផ្តល់ជូននូវប័ណ្ណថ្លែងអំណរគុណ វត្ថុអនុស្សាវរីយ៍ Trophy ឬដាក់តាំង Logo របស់សប្បុរសជនលើអគារសិក្សាដែលបានសាងសង់ដោយអង្គការ។

សូមអរគុណចំពោះការពិចារណាជូនអំណោយសម្រាប់គាំទ្រដល់ពួកយើង។ យើងខ្ញុំសូមផ្តល់គុណតម្លៃចំពោះជំនឿទុកចិត្តរបស់លោកអ្នក ហើយយើងខ្ញុំសូមសន្យាថា ការបរិច្ចាគ ១០០% របស់លោកអ្នក ត្រូវបានប្រើប្រាស់ដើម្បីសាងសង់សាលារៀនសម្រាប់កុមារនៅក្នុងប្រទេសកម្ពុជា។

ការបរិច្ចាគរបស់សាជីវកម្ម

ទំនាក់ទំនងរវាងសាជីវកម្ម មានសារៈសំខាន់ណាស់ ចំពោះមូលនិធិអេស៊ីលីដា-ចារឌីនសម្រាប់ការអប់រំ (AJF) ។ ជារៀងរាល់ឆ្នាំ អង្គការ AJF ពឹងផ្អែកលើដៃគូសំខាន់ៗ ក្នុងការផ្តល់មូលនិធិចាំបាច់ដល់កម្មវិធីអភិវឌ្ឍន៍សាលារៀនរបស់យើងខ្ញុំ ។ ការបរិច្ចាគរបស់សាជីវកម្ម អនុញ្ញាតឱ្យយើងបង្កើនមូលនិធិបានច្រើន ដើម្បីគាំទ្រដល់ការសាងសង់សាលារៀននៅតំបន់ក្រីក្រក្នុងប្រទេសកម្ពុជា ។ ថវិកាកាន់តែច្រើនមានន័យថាមានសាលារៀនកាន់តែច្រើន ហើយនិងបង្កើនឱកាសសម្រាប់កុមារជាច្រើនទៀត ដើម្បីទទួលបានការអប់រំ ។

ការបរិច្ចាគរបស់បុគ្គល

ការបរិច្ចាករបស់បុគ្គល ជាជម្រើសដ៏ចាំបាច់បំផុត និងមិនអាចខ្វះបានក្នុងការគាំទ្រដល់ការងាររបស់មូលនិធិអេស៊ីលីដា-ចារឌីនសម្រាប់ការអប់រំ (AJF)។

មធ្យោបាយបរិច្ចាគ

សប្បុរសជនជាសាជីវកម្ម និងជាបុគ្គល អាចជ្រើសរើសមធ្យោបាយបរិច្ចាគណាមួយដូចខាងក្រោម ដើម្បីបរិច្ចាគមូលនិធិរបស់ខ្លួនដល់មូលនិធិអេស៊ីលីដា-ចារឌីនសម្រាប់ការអប់រំ (AJF)៖

សម្រាប់ជំនួយក្នុងការបរិច្ចាគ សូមទាក់ទងតាមរយៈអ៊ីម៉ែល ៖ ឬទូរស័ព្ទលេខ ៖ ០២៣ ៩៩៨ ៧៧៧ / ៤៣០ ៩៩៩

បញ្ជីឈ្មោះអ្នកបរិច្ចាគ

យោងតាមនីតិវិធី ស្ដីពីការលើកទឹកចិត្តសប្បុរសជន របស់មូលនិធិអេស៊ីលិដា-ចារឌីនសម្រាប់ការអប់រំ, ជំពូកទី២ ប្រការ១.១ ការឆ្លើយតបចំពោះការចូលរួមបរិច្ចាគរបស់សប្បុរសជន ដែលបានចូលរួមបរិច្ចាគថវិកាតូចជាង USD៥០ (ហាសិបដុល្លាអាមេរិក) អង្គការនឹងរាយឈ្មោះផ្សព្វផ្សាយ ទីនេះ!

» ការបរិច្ចាគ