បរិច្ចាគ
English
អំពីអង្គការ
គម្រោង
ទំនាក់ទំនង
ព័ត៌មាន
អំពីអង្គការ
- » ទិដ្ឋភាពទូទៅ
- » ទស្សនៈ បេសកកម្ម និងយុទ្ធសាស្ត្រ
- » តម្លៃរបស់យើងខ្ញុំ
- » អំពីស្ថាបនិក
- » ក្រុមរបស់យើងខ្ញុំ
- » របាយការណ៍ប្រចាំឆ្នាំ
ទិដ្ឋភាពទូទៅ
អង្គការមូលនិធិអេស៊ីលីដា-ចារឌីនសម្រាប់ការអប់រំ (AJF) បានបង្កើតឡើងនៅថ្ងៃទី៤ ខែឧសភា ឆ្នាំ២០១៧ ដោយមានគោលបំណងចម្បងគឺផ្តល់ជូនកុមារកម្ពុជាទាំងអស់នូវឱកាសនៃការអប់រំ ។ អាណត្តិរបស់ AJF ជាបឋមគ្របដណ្តប់លើការអប់រំកម្រិតបឋមសិក្សា ហើយបានកំណត់នូវការផ្តល់ហេដ្ឋារចនាសម្ព័ន្ធអគារសិក្សាជាមូលដ្ឋានដែលជាតម្រូវការអាទិភាពដំបូង ។ វិសាលភាពភូមិសាស្ត្ររបស់ AJF គ្របដណ្តប់ប្រទេសកម្ពុជាទាំងមូល ប៉ុន្តែជាដំបូងនឹងផ្តោតលើភូមិក្រីក្រនៅឆ្ងាយដាច់ស្រយាលស្ថិតនៅក្នុងខេត្តព្រះវិហារ ស្ទឹងត្រែង ឧត្តរមានជ័យ មណ្ឌលគិរី និងរតនគិរី ។
អង្គការ AJF ត្រូវបានដំណើរការដោយបុគ្គលិកស្ម័គ្រចិត្តនៃធនាគារ អេស៊ីលីដា ចំនួនបីនាក់ ហើយយើងខ្ញុំស្វាគមន៍ជំនួយពីខាងក្រៅផងដែរ ដើម្បីជំរុញកិច្ចខិតខំប្រឹងប្រែងរបស់យើង ។
អង្គការ AJF មានគម្រោងសាងសង់អគារសិក្សាយ៉ាងតិចចំនួន ២ខ្នង ក្នុងមួយឆ្នាំ ឬច្រើនជាងនេះ ប្រសិនបើមានថវិកា ។
ខាងក្រោមនេះគឺជារូបភាពនៃស្ថានភាពក្រីក្រនៅតាមសាលារៀនបឋមសិក្សានៅតំបន់ដាច់ស្រយាលនៃប្រទេសកម្ពុជា ។ នេះគឺជាមូលហេតុដែលអង្គការ AJF ត្រូវបានបង្កើតឡើង ដើម្បីជួយដល់កុមាររបស់ប្រទេសនេះទទួលបានការអប់រំ ។
ខេត្តរតនគិរី
សាលាលើហន់
សាលាលើហន់
ខេត្តមណ្ឌលគិរី
សាលាពូចារ
សាលាពូចារ
សាលាត្រពាំងព្រីង
សាលាត្រពាំងព្រីង
សាលារណែងក្រៅ
សាលារណែងក្នុង
ខេត្តស្ទឹងត្រែង
សាលាកាំងចាម
សាលាកាំងចាម
ខេត្តព្រះវិហារ
សាលាកំពង់ព្រះឥន្ទ
សាលាកំពង់ព្រះឥន្ទ
សាលាជោគជ័យ
សាលាជោគជ័យ
សាលាកំពង់ពោធិ៍
សាលាកំពង់ពោធិ៍
សាលាកំពេញ
សាលាកំពេញ
ខេត្តឧត្តរមានជ័យ
សាលាគោកសង្កែ
សាលាគោកសង្កែ
សាលារំដួលវាសនា
សាលារំដួលវាសនា
សាលាសំបួរមាស
សាលាសំបួរមាស
សាលាថ្នល់ដាច់
សាលាថ្នល់ដាច់
សាលាបន្ទាយជ័រ
សាលាបន្ទាយជ័រ
ទស្សនៈ បេសកកម្ម និងយុទ្ធសាស្ត្រ
ទស្សនៈ ៖ ផ្តល់ឱកាសស្មើគ្នាសម្រាប់ការអប់រំ ដល់កុមារកម្ពុជាទាំងអស់ ។
បេសកកម្ម ៖ រៃអង្គាសប្រាក់ និងប្រើប្រាស់រាល់ថវិកា ដើម្បីកសាងសាលារៀននៅតាមតំបន់ជនបទដាច់ស្រយាល និងក្រីក្រ ។
យុទ្ធសាស្ត្រ ៖ AJF រៃអង្គាសប្រាក់ពីក្រុមហ៊ុនមេ និងក្រុមហ៊ុនពាក់ព័ន្ធ បុគ្គលទាំងឡាយ ព្រមទាំងក្រុមហ៊ុន សប្បុរស ។ ថវិកាទាំងអស់ ត្រូវបានគ្រប់គ្រងនិងចាត់ចែងដោយបុគ្គលិកអេស៊ីលីដា និងចារឌីន ដែលមានជំនាញ ដើម្បីធានាថារាល់ថវិកាត្រូវបានចំណាយត្រឹមត្រូវ ដើម្បីសម្រេចបាននូវទស្សនៈរបស់ AJF ។ ទីតាំងដំបូងសម្រាប់គម្រោងសាងសង់អគារសិក្សា គឺស្ថិតនៅខេត្តព្រះវិហារ ស្ទឹងត្រែង ឧត្តរមានជ័យ មណ្ឌលគិរី និងរតនគិរី ។ ទីតាំងភូមិនីមួយៗដែលត្រូវបានជ្រើសរើស មានសាលារៀនស្រាប់ ប៉ុន្តែត្រូវការរចនាសម្ព័ន្ធសាលារៀនអចិន្រ្តៃយ៍ ដើម្បីផ្តល់ឱ្យកុមារនូវការអប់រំ ដើម្បីកសាងនិងពង្រីកគុណភាពជីវិតរបស់ពួកគេ ។ គម្រោងសាលារៀននីមួយៗ នឹងត្រូវអនុវត្តដោយមានការពិគ្រោះយោបល់ជាមួយអាជ្ញាធរមូលដ្ឋាន និងការឯកភាពពីក្រសួងអប់រំ យុវជន និងកីឡា ដើម្បីអនុលោមទៅតាមកម្មវិធីសិក្សាជាតិ និងប្រព័ន្ធអប់រំរបស់ប្រទេសកម្ពុជា ។
តម្លៃរបស់យើងខ្ញុំ
ការលះបង់ ភាពស្មោះត្រង់ ការប្រឹងប្រែង និងបំណងប្រាថ្នាជាធ្លុងមួយ ដើម្បីធានាថាកុមារកម្ពុជាទាំងអស់ មានលទ្ធភាពទទួលបានការអប់រំនិងឱកាសសម្រាប់អនាគតដ៏ប្រសើរ ។
អំពីស្ថាបនិក
ថ្នាក់គ្រប់គ្រងនៃធនាគារ អេស៊ីលីដា ភីអិលស៊ី, ក្រុមហ៊ុនចារឌីន និងក្រុមហ៊ុនធានារ៉ាប់រង ហ្វតតេ (កម្ពុជា) ភីអិលស៊ី បានក្លាយជាមិត្តភក្តិនិងសហការីជិតស្និទ្ធ ។ យើងបានចូលរួមជាមួយគោលបំណងរួមមួយ ដើម្បីជួយដល់កុមារកម្ពុជាក្នុងការទទួលបានការអប់រំ ។ យើងផ្តោតជាសំខាន់ដើម្បីធានាថា កម្លាំងនិងការខិតខំប្រឹងប្រែងរួមគ្នារបស់យើង នឹងជួយជំរុញបុគ្គលម្នាក់ៗ និងក្រុមហ៊ុនសប្បុរសដ៏ជិតស្និទ្ធ ក្នុងការចូលរួមជាមួយយើង ដើម្បីសម្រេចបាននូវទស្សនៈរបស់យើងចំពោះកុមារកម្ពុជា ។ យើងខ្ញុំប្តេជ្ញាថា រាល់ថវិកាដែលរៃអង្គាសបាន នឹងត្រូវបានប្រើប្រាស់ដើម្បីផ្តល់ជូនកុមារកម្ពុជានូវការអប់រំសម្រាប់អនាគតដ៏ប្រសើរ ។
ក្រុមរបស់យើងខ្ញុំ
បុគ្គលិក អភិបាល និងថ្នាក់គ្រប់គ្រងស្ម័គ្រចិត្តរបស់យើងខ្ញុំ កំពុងប្តេជ្ញាធ្វើការដើម្បីសម្រេចបាននូវទស្សនៈ និងបេសកកម្មរបស់ AJF ។
របាយការណ៍ប្រចាំឆ្នាំ
1. របាយការណ៍សមិទ្ធផល
2. របាយការណ៍ហិរញ្ញវត្ថុ
ដើម្បី ផ្ដល់តម្លាភាព និងទំនុកចិត្តដល់ស្ថាបនិក ម្ចាស់ជំនួយ អ្នកឧបត្ថម្ភ និងសាធារណៈជន ក៏ដូចជាភាគីពាក់ព័ន្ធផ្សេងទៀត មូលនិធិអេស៊ីលីដា-ចារឌីនសម្រាប់ការអប់រំ (AJF) បានអញ្ចើញសវនករខាងក្រៅដើម្បីធ្វើសវនកម្មប្រចាំឆ្នាំលើការអនុវត្តន៍ និងរបាយការណ៍ហិរញ្ញវត្ថុរបស់ មូលនិធិអប់រំ អេស៊ីលីដា-ចារឌីន (AJF) ។
អ្នកអាចស្វែងរករបាយការណ៍ហិរញ្ញវត្ថុដែលបានធ្វើសវនកម្មរបស់យើងដែលមានរាយបញ្ជីតាមលំដាប់លំដោយ លម្អិតនៅក្នុងរបាយការណ៍ប្រចាំឆ្នាំខាងក្រោម។
» អំពីអង្គការ